Како родители внимаваме на нашето бебе да му го обезбедиме најдоброто за неговата кожа, за да остане мека и нежна. Купуваме витамински креми, козметики кои мислиме дека се најдобри, пелени кои го оставаат бебето подолго време суво, без притоа да размислиме што предизвикуваме со толку нанесени хемиски состојки врз толку нежна и чувствителна кожичка.

Најважниот и најчувствителен дел на бебето е токму интимниот дел.
Тој дел во денешно време е покриен со разни пластични пелени кои се составени од неприродни материјали како што се: пластика, петролеум, избелувачи, диоксин, вештачки мириси и сл.
Сигурно ова не ви звучи baby-friendly. Како што не се корисни за бебешката кожа така еднократните пелени не се корисни ниту за животната средина.
Токму поради овој факт, многу родители ширум светот, дојдоа до едно решение кое е бенефит за здравјето на нивните бебиња, а тоа е old fashion diapering, односно употреба на повеќекратни пелени. Повеќекратните пелени се пелени кои се перат и се модернизирани за разлика од тие кои ги употребувале нашите родители. Лесни се за употреба, ортопедски дизајнирани за широк повој, еколошки и на долг рок доста економични. Токму поради овој факт, сакавме да донесеме нешто различно, економично и еколошко како замена за еднократните пелени на нашиот пазар.